Deputeti i Partisë Demokratike, Kreshnik Çollaku deklaron se një aleat i rëndësishëm strategjik ka shpallur non grata së fundmi një ministër të qeverisë shqiptare. Përmes një postimi në rrjetet sociale, Çollaku thotë se Qeveria dhe mazhoranca po e mban të fshehtë këtë fakt. Ai nuk bën me dije vendin që e ka marrë këtë vendim. Por, nisur nga përvojat e shkuara dhe programi i luftës antikorrupsion dhe antiterrorizëm i Uashingtonit në Ballkan, mund të hamendësohet se bëhet fjalë për Shtetet e Bashkuara të Amerikës. COLLAKU FB - Mbi një dyzinë deputetësh dhe anëtarë të Qeverisë janë shpallur Non Grata së fundmi nga një aleat i rëndësishëm strategjik. Qeveria dhe maxhoranca hesht dhe vazhdon të mos bëjë transparencë e të mos distancohet nga të shpallurit Non Grata. A mund të jesh dhe Non Grata dhe anëtar i qeverisë?