Vala e të nxehtit ka rritur dhe numrin e fataliteteve. Vetëm në Francë janë regjistruar të paktën 1000 vdekje si pasojë e të nxehtit përvëlues që e ka mbërthyer Evropën, njoftoi të dielën Agjencia Kombëtare e Shëndetit Publik, duke paralajmëruar se numri i viktimave mund të jetë edhe më i lartë. Agjencia bëri të ditur se shumica e viktimave ishin njerëz të moshuar. Evropa ka përjetuar temperatura përvëluese gjatë kësaj vale të të nxehtit, duke thyer rekorde temperaturash dhe duke shkaktuar ndërprerje në prodhimin e energjisë si dhe duke dëmtuar infrastrukturën. Shkencëtarët pohojnës se kjo valë e të nxehtit, e cila filloi më 20 qershor, është më e rënda e regjistruar ndonjëherë në Evropë, një kontinent ku klima po ndryshon më shpejt se mesatarja globale. Ministrja franceze e Shëndetësisë, Stephanie Rist, deklaroi për gazetën La Tribune se pasojat e valës së të nxehtit mund të vazhdojnë të ndihen deri në 10 ditë edhe pasi temperaturat të kenë rënë.