Detaje të reja kanë dal në pah lidhur me aksidentin tragjik në zonën e ish-Kënetës në Durrës, ku Nikoll Radaçi, në gjendje të dehur përplasi për vdekje dy fëmijë teksa po luanin në trotuar. Autori, pas aksidentit, është larguar nga vendngjarja, ku jo vetëm që nuk u dha ndihmën fëmijëve, por është konstatuar nga shërbimet e policisë në rrugën “Petrit Llaftiu”, ku edhe është ndaluar nga policia. Në momentin që ka hasur uniformat blu, mësohet që ai të ketë thënë: jam unë ai që kam bërë aksidentin.