NASA njoftoi se kishte përdorur një sistem të avancuar komunikimi lazer me një anije hapësinore që ndodhet 31 milionë kilometra larg tokës, për të dërguar një video HD të një maceje. Videoja 15 sekondëshe, në të cilën shfaqet një mace e quajtur taters, është e para që transmetohet në hapësirën e thellë dhe dëshmon se është e mundur të transmetosh komunikime të nevojshme për të mbështetur misione komplekse si psh ai i dërgimit të njerëzve në mars. Videoja u transmetua nga tokë duke përdorur një marrës lazer në sondën Psyche e cila po udhëton drejt një brezi asteroidësh mes marsit dhe jupiterit, për të eksploruar një objekt misterioz të pasur me metal. Kur u dërgua videoja, anija hapësinore ishte në një distancë 80 herë më të madhe se ajo mes tokës dhe hënës. Misionet hapësinore zakonisht janë mbështetur në valët radio për të dërguar dhe për të marrë të dhëna. Por puna me lazerat mund të rrisë nivelin e të dhënave të transmetuara nga 10 deri në 100 herë.