Partitë politike në kosovë, kanë vetëm një javë kohë për krijimin e koalicioneve para zgjedhjeve të parakohëshme të fundit të dhjetorit. Zëdhënësi i KQZ, Valmir elezi, konfimon se përgjigjia zyrtare duhet të mbërrijë në institucion deri më 30 nëntor. Elezi thotë se sipas ligjit, çdo parti politike e regjistruar që synon të marrë pjesë në zgjedhje në kuadër të një koalicioni ka detyrimin ta njoftojë KQZ-në për këtë mënyrë garimi. “Sipas Ligjit për Zgjedhjet e Përgjithshme, partitë politike të cilat janë të regjistruara në KQZ dhe të cilat duan të marrin pjesë në zgjedhjet e parakohshme përmes koalicionit duhet ta njoftojnë KQZ, respektivisht Zyrën për Regjistrim, Certifikim dhe Kontrollim Financiar të Subjekteve Politike se duan të marrin pjesë në këto zgjedhje në këtë mënyrë. Afati i fundit për të bërë këtë njoftim është data 30 nëntor 2025” Elezi thekson se partia politike që vendos të bëhet pjesë e një koalicioni ka detyrimin të respektojë rregullat e tij.