Një I ri ka tentuar të korruptonte policët për të shmangur gjobën për mosvënien e rripit por ka përfunduar në pranga. Sipas policisë 28 vjeccari është ndalur nga policia rrugore në rrugën ‘Teodor Keko’ në Tiranë pasi drejtonte mjetin pa vendosur rripin e sigurimit. Në momentin që punonjësi i Policisë Rrugore i ka komunikuar arsyen e ndalimit dhe i ka kërkuar dokumentacionin për të plotësuar masën administrative, drejtuesi i mjetit, bashkë me dokumentacionin, i ka ofruar punonjësit të Policisë nje kartemonedhe me prerje nje mijë lekë të reja, me qëllim shmangien e gjobës. Arrestimi i këtij shtetasi u bë për veprën penale “Korrupsion aktiv ndaj personave qe ushtrojnë funksione publike” dhe materialet proceduriale u referuan pranë Prokurorisë së Posaçme Kundër Korrupsionit dhe Krimit të Organizuar Tiranë, për veprime të mëtejshme. Në këtë moment 28 vjeccari është vënë në pranga nga efektivët dhe tani do të përballet në gjykatë me akuzën “Korrupsion aktiv ndaj personave qe ushtrojnë funksione publike”.