Një grua shtatzënë është midis tre viktimave të plagosura me thikë në një sulm të frikshëm me thikë në Paris. Një i dyshuar 31-vjeçar, që besohet se kishte probleme me shëndetin mendor, u arrestua në vendngjarje dhe sipas raporteve ishte i armatosur me dy thika. Të tre viktimat u trajtuan nga ekipet e emergjencës mjeksore në veriperëndim të Parisit, përpara se të dërgoheshin me urgjencë në spital. Dy thuhet se janë në gjendje kritike, por jeta e tyre nuk është në rrezik. Njëra u godit në pjesën e poshtme të shpinës, ndërsa një tjetër u plagos me thikë në bark. Ministri i Brendshëm Laurent Nunez tha se i dyshuari u ndalua nga një oficer jashtë detyrës që ishte i pranishëm në vendngjarje. Identiteti dhe motivi i të dyshuarit nuk u bënë menjëherë të qarta. Nunez shtoi se ai bëri "deklarata të paqarta" dhe paralajmëroi kundër nxjerrjes së përfundimeve të nxituara në lidhje me motivin e tij. Një video tronditëse në mediat sociale duket se tregon sulmuesin duke vrapuar nëpër rrugë me dy thika në dorë. Një moment veçanërisht drithërues tregon burrin që duket se sulmon një grua ndërsa vrapon pranë saj. Kalimtarë të tmerruar shihen duke ikur me vrap përpara se një person të arrijë ta rrëzojë atë me një karrige. Kjo vjen disa muaj pasi tre gra u qëlluan me thikë në metronë e parisit. Në atë rast, agresori kishte sulmuar në tre stacione të ndryshme.