Presidenti turk, Recep Tayyip Erdogan, e ka emëruar të premten Hafize Gaye Erkanin, ish-zyrtare ekzekutive për financa në Shtetet e Bashkuara, si guvernatore të Bankës Qendrore. Ajo do të përballet me një prej normave më të larta të inflacionit. Erkan, ish-bashkëdrejtuese e Bankës Republika e Parë, dhe drejtore menaxhuese e Goldman Sachs në SHBA, do të jetë gruaja e parë që do të jetë në krye të Bankës Qendrore në Turqi. Erdogan, i cili sapo e ka nisur mandatin e tretë si president, e ka prezantuar të shtunën kabinetin e ri qeveritar. Ministër i Financave është emëruar, Mehmet Simsek. Ky i fundit ka qenë ministër i Financave dhe zëvendëskryeministër edhe në qeveritë e kaluara dhe njihet për qëndrimin kundër politikave jokonvencionale të Erdoganit për ulje të normave të interesit, me qëllim të luftimit të inflacionit. Deri më tani, këtë detyrë e ka mbajtur Sahap Kavcioglu. Nën menaxhimin e Kavcioglut, norma e interesit është ulur në 8.5 për qind. Më 2021, kjo normë ishte në nivelin 19 për qind. Shkalla e inflacionit ka rënë nën 40 për qind në Turqi, në maj, për herë të parë në 16 muaj.