Pamje nga kamerat e sigurisë tregojnë momentin që një hajdut, mbi një traktor me sa duket të vjedhur, thyen vetratën e një dyqani dhe përpiqet të largohet me disa motocikleta, në shtetin australian të Kuinslendit. Policia vihet në ndjekje të shoferit ndërsa traktori bashkë me motocikletat e vjedhura largohet dhe përpiqet të humbë gjurmët përmes rrugëve të Ipsuichit në perëndim të Brisbeinit. Sipas policisë ndjekja vazhdoi nëpër disa rrugë e madje edhe mbi shinat e trenit. Traktori në përfundim me sa duket u përplas me një pemë të madhe dhe hajduti tentoi të arratisej në këmbë. Policia sidoqoftë arrestoi më pas 41 vjecarin që ishte fshehur në një zonë me shkurre aty pranë. Mbi të tani rëndojnë disa akuza, përfshirë veprime të rrezikshme me një mjet motorik dhe mos bindje ndaj policisë.