Ukraina ka kthyer sërish në vëmendje formulën e saj të paqes për t’i dhënë fund afro dy viteve luftë me rusinë në një takim të këhsilltarëve kombëtar të sigurisë nga e gjithë bota, në Davos, të dielën. Presidenti ukrainas, Volodimir Zelenski, që pritet të flasë në forumin ekonomik botëror të davosit, më vonë këtë javë, nuk ishte i pranishëm në sesionin hapës të mëngjesit, që përfshinte 81 pjesëmarrës nga vende dhe organizata ndërkombëtare. Zelenski u përfaqësua nga shefi i tij i stafit, Andri Jermak, në bisedimet e të dielës, ku merrnin pjesë edhe zyrtarë të tjerë të lartë, përfshirë ata amerikanë. Ndërsa shqetësimet rriten për mbështetjen e shteteve të bashkuara të amerikës për luftën në ukrainë, gjatë një viti zgjedhor, këshilltari për sigurinë kombëtare Jake Sullivan dhe sekretari i shtetit Antoni Blinken, pritet të flasin në forumin që zyrtarisht nis punimet mbrëmjen e të hënës. Ukraina, me mbështetje të fortë të aleatëve të saj, ka thënë gjithnjë se nuk do të dorëzohet deri sa të rimarrë cdo pjesë toke të saj që është pushtuar nga Rusia.