Ministri i Jashtëm rus Sergei Lavrov do të vizitojë Beogradin më 7 qershor, për të zhvilluar një takim zyrtar me Presidentin Aleksandër Vuçiç. Lajmin e kanë bërë të ditur mediat serbe, të cilat raportojnë se Lavrov do të ketë një sërë takimesh me lidershipin shtetëror serb, ku pritet të diskutohet për luftën në Ukrainë dhe qëndrimin e Serbisë përballë situatës. Kjo është vizita e parë e një zyrtari të lartë rus në Serbi që nga fillimi i luftës dhe vjen në një kohë që BE po përgatit paketën më të ashpër të sanksioneve deri më tani. Gjatë takimit pritet të diskutohet dhe për Kosovën për të sqaruar deklarat që kanë krijuar disa mosmarrëveshje mes dy vendeve, pasi presidenti Vladimir Putin dhe zyrtarëve të tjerë rusë, bënë krahasime të pavarësisë së Kosovës me situatën në Donbas. Serbia është vendi i vetëm në ballkanin perëndimor që nuk ka mbështetur sanksionet e bashkimit evropian mbi rusinë dhe duke qenë se aspiron për anëtarësim në bllok, ajo është vënë nën presion për të qëndruar në një linjë me brukselin. Por deri më tani, presidenti serb, Aleksander vucic i ka bërë rezistencë kërkesave të Bashkimit Evropian dhe vazhdon të mbështesë atë që serbia e ka konsideruar gjithnjë ‘vëllain e madh’.