Top News- Një armatë tankesh drejt Ukrainës / SHBA, edhe 2.5 mld dollarë armë të reja, por jo Abrams

Pak orë pasi Ukraina i bëri thirrje aleatëve perëndimorë që t’i ndihmojë forcat e saj të mposhtin Rusinë, Shtetet e Bashkuara njoftoi mbi 2.5 miliardë dollarë ndihma ushtarake, por jo tanke. Paketa më e fundit e armatimeve amerikane përmban 59 autoblinda luftarake Bradley dhe 90 autoblinda Stryker. Këto shoqërohen nga tre lloje raketash, dhjetëra mijëra predha artilerie dhe mortajash, si dhe sisteme të reja HIMARS të mbrojtjes ajrore. Sekretari amerikan i Mbrojtjes Lloyd Austin takohet këtë të premte me homologët e tij në Bazën Ajrore Ramstein, ku pritet të merren edhe më shumë vendime. Sidoqoftë, deri më tani Gjermania dhe Shtetet e Bashkuara po ngurrojnë të ofrojnë tanket Leopard 2 dhe Abrams, që ka kërkuar Ukraina.