Ish-presidenti Bujar Nishani ka reaguar për lëvizjen e fundit të SPAK që kërkoi nga Gjykata Kundër Korrupsionit dhe Krimit të organizuar 22 urdhër arreste për dosjen e shumëpërfolur 339 per zgjedhjet e vitit 2017. Nishani ka sulmuar Prokurorinë Speciale duke deklaruar se: ‘Maskarada më e fundit e të ashtuquajturit “SPAK” gjoja për “hetimet” dhe “arrestimet” për krim zgjedhor dhe DOSJEN 339 nuk është gjë tjetër veçse një bashkëpunim me krimin zgjedhor dhe një shtesë penale në atë dosje që do apo nuk do “SPAKU” do të hetohet me themel dhe me të gjithë thellësinë e merituar, një ditë !’ Sipas ish-presidentit: ‘Arrestimi I disa ‘komisionerëve mjeranë katundesh në Shijak është një tentativë për të fshehur krimin e organizuar zgjedhor dhe dhunimin e vullnetit popullor pas fytyrave mjerane të disa komisionerëve si dhe është një bashkëpunim i pastër me krimin e organizuar zgjedhor.’ Nishani, aktualisht kreu i Këshillit Kombëtar të Partisë Demokratike zotohet se Krimet zgjedhore të dosjeve 339 dhe 184, nuk do të kenë dot fatin e dosjeve të varrosura të krimeve të komunizmit mbi shqiptarët dhe se shkeljet që po bëhen sipas tij nga SPAK do të hetohen dhe gjykohen në të ardhmen.