Duke filluar nga data 1 korrik, rreth 135 mijë punonjës të administratës shtetërore do të përfitojnë një nivel të ri pagash me synimin që paga mesatare të arrijë nivelin e 105 mijë lekëve. Vendimi u mor në mbledhjen e qeverisë, dhe parashikon një politikë të rritjes së pagave për punonjësit e sistemit arsimor parauniversitar, punonjësit e sistemit shëndetësor, punonjësit e sistemit të sigurisë së vendit (Policia e Shtetit, Policia e Burgjeve, Garda e Republikës, Forcat e Armatosura, Mbrojtja nga zjarri dhe shpëtimi); si edhe punonjësit e nivelit zbatues dhe mbështetës të administratës shtetërore. “Pagat e rritura fillojnë të aplikohen në 6 mujorin e dytë të vitit, pra duke filluar nga 1 korriku, me një kosto të përllogaritur prej afro 11 miliardë lekësh për këtë 6 mujor të dytë të vitit dhe me një kosto totale buxhetore prej afro 40 miliardë lekësh”