Një numër në rritje refugjatësh armenë etnikë, po largohen nga Nagorni Karabaku, pasi Azerbajxhani mori nën kontroll rajonin e polemizuar javën e kaluar. Më shumë se 3 mijë persona deri më tani kanë hyrë në armeni nga enklava, që mban rreth 120 armenë etnikë. Ata u larguan pasi qeveria në Jerevan njoftoi planet për të zhvendosur ata që kishin mbetur të pastrehë nga luftimet. Ajo po ashtu paralajmëroi se ata që qëndrojnë në nagorni karabak mund të përballen me spastrim etnik. Azerbajxhani ka thënë se do ti riintegrojë armenët etnikë si qytetarë të barabartë. BBC ndërkohë ka biseduar me disa refugjatë që kanë mbërritur në qytetin Goris. Ata thonë se i kanë dedikuar gjithë jetën vendit të tyre dhe se lënia pas e gjithckaje është shumë e dhimbshme. Një grua i thotë BBC se kjo është hera e dytë që ajo bëhet refugjate...e para ishte gjatë konfliktit të 2020-ës. Qeveria armene tha në një deklaratë të dielën se qindra refugjatëve u ishte siguruar strehim nga qeveria. Por, ajo nuk ka paraqitur një plan të qartë se si do të përballohet fluksi i njerëzve. Javën e kaluar, kryeministri Nikol Pashinian tha se ishin hartuar plane për tu kujdesur për deri në 40 mijë refugjatë.