Duke përdorur shkronjën Z për përfitime politike, një ekspert thotë se tani simboli i zymtë mund të ketë humbur hijeshinë...Menjëherë pasi tanket e saj prekën tokë ukrainase, pranverën e vitit të kaluar, simboli ogurzi Z u bë viral në rusi, duke dalë nga askundi. Fëmijët e sëmurë fotografoheshin duke bërë shenjën Z jashtë një spitali në veriperëndim të vendit ndërsa gjimnasti rus, Ivan Kuliak, u ndalua nga garat pasi e bëri simbolin në podium, pranë konkurentit ukrainas. Ngritja rrufe e shenjës së bardhë, shkaktoi jo pak zhurmë duke pushtuar faqet e para të gazetave në të gjithë botën. Por, në muajt e fundit, përdorimi i Z-së, duket se është zbehur. Mungesa e saj, u vu re nga përdoruesit e tëitterit në paradën ushtarake të ditës së fitores së rusisë, më 9 maj, ndërkohë që një vit më parë nuk kishte ndodhur kështu. Sipas ekspertëve, simboli Z u rrit në mënyrë organike. Kur lufta nisi nuk ishte një simbol i mandatuar nga shteti. Por me gjasë shteti e mori atë nën kontroll. E kjo ishte e leverdisshme në fazat e para të luftës por pasi shteti e mbërtheu atë, simboli humbi sharmin.