Shiu i akullt dhe moti i ftohtë që kanë përfshirë gjermaninë, janë faktor për aksidente në trafik që kanë marrë deri më tani tre jetë njerëzish ndërsa aeroporti i Mynihut pezulloi përkohësisht fluturimet. Një nxënës humbi jetën në një aksident në të cilin një autobus shkolle u përplas në malet Erzgebirge në Saksoni. Të paktën 10 nxënës të tjerë u dërguan në spital. Dy të rritur, përfshirë shoferin e autobusit, janë në gjendje kritike. Autobusi rrëshkiti në rrugë dhe goditi në anë një mjet të mirëmbajtjes së rrugëve afër kufirit cek- tha agjencia gjermane e lajmeve dpa. Më pas, ai u përplas me një pemë dhe përplasja ishte aq e fortë sa që u shkatërrua krejtësisht pjesa ballore e mjetit. Në mynih, të gjitha fluturimet janë anuluar apo shtyrë dhe aeroporti paralajmëroi se situata mund të mos përmirësohet shpejt.