Radhë barrikadash me beton të bardhë dhe tela me gjemba, shtrihen përmes një fushe për më shumë se 1 kilometër. Llogore po ahstu po hapen në errësirë. Artileria ndërkohë dëgjohet në largësi. Linjat e reja të mbrojtjes, të vizituara nga agjencia e lajmeve Reuters, në qytetin verilindor të Kupianskut, tregojnë se ukraina ka përshpejtuar ndërtimin e fortifikimeve muajt e fundit, ndërsa taktika e saj ndryshon duke u kthyer në mbrojtje. Fortifikimet, që ngjasojnë disi me ato të ngritura në jugun dhe lindjen e pushtuar nga rusia, synojnë të ndihmojnë ukrainën nëse sulmet do të intensifikohen ndërkohë që ajo përpiqet të rimarrë fuqi. “Për sa kohë që trupat lëvizin, përmes fushave, fortifikimet nuk të duhen...por kur trupat ndalen, duhet të gërmosh menjëherë nën tokë... thotë një inxhinier i ushtrisë ukrainase, i njohur si Lynx. Presidenti ukrainas, volodimir Zelenski, njoftoi se ukraina po forconte ndjeshëm fortifikimet e saj, në nëntor, pasi kundërsulmi i nisur prej saj në qershor nuk mundi të depërtonte thellë përtej linjave ruse. Kievi thotë se është i palëkundur në objektivin e rimarrjes nën kontroll të të gjithë vendit, por për momentin ai është i fokusuar tek rigjenerimi i ushtrisë.