Një amerikan u ngjit në ndërtesën më të lartë të Tajvanit të dielën, duke u bërë personi i parë që ngjitet në Taipei 101 pa litar, pa mjete mbrojtëse apo pa rrjetë sigurie. Qindra spektatorë u mblodhën në para kullës 101-katëshe për të parë Alex Honnold, 40 vjeç, të realizojë bëmën e tij të guximshme, e cila u transmetua gjithashtu drejtpërdrejt në Netflix. Pas një ore e gjysmë, ai arriti me sukses të ngjitej në 1,667 metra lartësi përpara se të zbriste triumfalisht për t'u ribashkuar me gruan e tij, Sanni McCandless Honnold. Duke folur në një konferencë për shtyp më pas, Honnold tha se "koha është e kufizuar" dhe njerëzit duhet "ta përdorin atë në mënyrën më të mirë". "Nëse punon shumë... mund të bësh gjëra të vështira", shtoi Honnold. Ai ka ngjitur deri më tani disa nga shkëmbinjtë më të frikshëm në botë dhe u bë i famshëm në vitin 2017, pasi u ngjit në "El Capitan" të Yosemite që kolegët e tij e konsideronin si kulmi i vështirësisë teknike në monolitin masiv prej graniti. Hannold tha se kishte qenë ëndrra e tij që ngjitja në Taipei 101 të shtohej në listën e arritjeve të tij. Honnold është personi i parë që ngjitet në kullë pa litar, pa mjete mbrojtëse apo rrjetë sigurie, por jo i pari që arrin kulmin e saj.