Një ngjarje e rëndë tronditi qytetin e Kavajës, ku policia gjeti një makinë të djegur brenda së cilës ishte trupi i 45 vjecares Fëllënxa Shirja, ndërsa pas kontrolleve në zonën përreth u zbulua dhe trupi i bashkëshortit të saj, Bilbil Shirja 48 vjec, i cili ishte varur në një pemë. Të gjitha rrethanat e para dëshmojnë për një krim në familje të pasuar nga vetëvrasja e autorit, megjithatë policia po kryen hetime. Në vendngjarje ndodhet grupi hetimor dhe nën drejtimin e Prokurorisë, është duke punuar në zbardhjen e dinamikës së këtij rasti të rëndë. Deri tani dyshimet janë që Shirja e ka djegur të gjallë bashkëshorten e tij, por kjo ende pritet të verifikohet. Disa banorë rrëfyen se panë një makinë që digjej. Mësohet se Bilbil dhe Fëllënza Shirja ishin në proces divorci prej 2 muajsh, dhe të hënën ishte séanca përfundimtare. Shirja duket se e ka marrë të shoqen nga familja e prindërve, e ka mbyllur në makinë dhe i ka vënë flakën. Mësohet se marrëdhënia e ciftit ka qenë e vështirë për shkak të xhelozisë së skajshme të bashkëshortit. Të dy ata ishin prindër të një vajze të fejuar dhe një djali 17 vjeç.