Një burrë rrëmbeu një aeroplan të vogël në shtetin e Belizes, në amerikën qendrore, dhe goditi me thikë pasagjerët dhe një pilot përpara se të qëllohej dhe të vritej nga një prej pasagjerëve, thanë zyrtarët. Avioni i Tropic Air po udhëtonte nga Corozal për në destinacionin e njohur turistik të San Pedros, me 14 pasagjerë dhe pjesëtarë ekuipazhi në bord, kur u rrëmbye. Avioni fluturoi në drejtime të rastësishme për disa orë dhe u ndoq nga policia përpara se të prekte tokë në një aeroport në qytezën bregdetare Ladyville. Autoritetet në Belize shpallën një emergjencë të plotë, kur incidenti nisi rreth orës 8:30 minuta të mëngjesit sipas orës lokale. “Përballë presionit të pakuptueshëm, piloti ynë veproi me guxim dhe qetësi të jashtëzakonshme, duke e çuar avionin drejt një uljeje të sigurt”, thanë zyrtarët e kompanisë ajrore. "Veprimet e tij ishin heroike." Pasagjerët dhe piloti i plagosur po trajtohen për plagët e tyre në një spital, thanë zyrtarët. Një zëdhënës i Departamentit Amerikan të Shtetit e përshkroi incidentin si "të tmerrshëm".