Mësimi në klasën e dytë të shkollës publike “Ndre Mjeda” ketë të martë, nuk është zhvilluar normalisht. Pas ngjarjes tragjike në Shkodër, ku nëna së bashku me tre fëmijët e mitur u mbyt në Lumin e Bunës, në klasën e dy vajzave, bashkëmoshatarët e tyre kanë vendosur lule. Kjo ngjarje tejet e rëndë ka ka përfshirë nxënësit, prindërit dhe mësuesit. Prindërit tregojnë se sa e vështirë ka qenë t’i shpjegojnë fëmijëve se pse duhet të shkojnë në shkollë me lule në duar. Drejtuesit e shkollës, jashtë kamerave thonë se mësimi nuk do të zhvillohet normalisht, por me nxënësit e klasës se dy vajzave do të zhvillohen orë argëtuese për të ndryshuar gjendjen emocionale të fëmijëve.