Dhjetëra njerëz kanë mbetur të vrarë gjatë mbrëmjes të premtes nga sulmet ajrore izraelite në Rripin e Gazës. Autoritetet lokale dhe shëndetësore bëjnë me dije se ushtria izraelite i kreu këto sulme në një kohë kur ekipet mjekësore janë duke e kryer një fushatë urgjente të vaksinimit të fëmijëve kundër poliomielitit në territorin palestinez. Ndërkohë, Izraeli e vazhdoi ofensivën e vet ushtarake, e cila e ka rrënuar spitalet Gazës dhe infrastrukturën e saj. Fushata e vaksinimit e cila udhëhiqet nga agjencia shëndetësore e Kombeve të Bashkuara dhe partnerët e saj, nisi një javë më parë në Gazën qendrore dhe synon vaksinimin e 640 mijë fëmijëve. Izraeli e ka nisur luftën në Gazë si kundërpërgjigje ndaj sulmeve të Hamasit në jug të Izraelit më 7 tetor, në të cilin Hamasi kanë vrarë 1.200 njerëz dhe kanë marrë peng 240 të tjerë. Si pasojë e fushatës ushtarake tokësore dhe ajrore të Izraelit, në Gazë janë vrarë më shumë se 40.000 palestinezë, kryesisht gra dhe fëmijë.