Arritja e një marrëveshjeje mes Izraelit dhe Hamas duket shumë larg. Kjo pasi negociatat kanë ngelur. Vendet ndërmjetësuese thanë sipas mediave izraelite se të dy palët nuk kanë rënë dakord me kushtet. Marrëveshja që po diskutohet përfshin tre faza: E para është ajo humanitare, ku do të ketë një armëpushim 42-ditor. Gjatë kësaj periudhe të gjitha gratë ushtarake të rrëmbyera si dhe shumica e civilëve që po mbahen pengje në tubelet e Gazës nga Hamas do të lirohen dhe do të kthehen në Izrael. Ndërsa në fazën e dytë do të lirohen burrat dhe në atë të tretë do të ketë një shkëmbim tjetër mes palëve. Por me përfundimin e këtyre pikave Gaza do të “menaxhohet” mga Egjipti, Katari dhe OKB-ja, që do të merren dhe me rindërtimin e zonës. Por këto pika nuk kanë marrë pëlqimin e grupit terrorist që kërkon garancinë e amerikanëve se pas përfundimit të tre fazave dhe armëpushimit të përkohshëm, trupat izraelite do të të tërhiqen përfundimisht duke i dhënë fund luftë. Por nga ana tjetër krhyeministri izraelit Benjamin Netanyahu thotë se nuk do të tërhiqet deri në shkatërimin total të Hamas. Ky qëndrim ka sjellë dhe ngecjen e negociatave, pasi Hamas i trembet një tjetër sulmi.