Një raport I qeverisë amerikane tregoi për një rënie të ndjeshme të hapjes së vendeve të reja të punës. Nga 315 mijë vende të reja pune që u hapën në muajin Mars, në Prill autoriutetet amerikane thanë se kjo shifër u reduktua në 175 mijë pasi kompanitë e ulën ritmin e punësimeve gjatë kësaj periudhe ndëfrsa paga për një orë pune u rrit me 0.2%. Ky është një tregues se normat e larta të interesit mund të kenë filluar të ngadalësojnë tregun e punës në Shtetet e Bashkuara. Sidoqoftë, ulja e ritmit të punësimit së bashku me ngadalësimin e rritjes së pagave muajin e kaluar mund të shihet si shenjë pozitive nga Banka Qendrore, e cila i ka mbajtur normat e interesit në shkallën më të lartë gjatë 20 viteve të fundit, me synimin për të luftuar vazhdimin e inflacionit të lartë, raporton asocciadet press.