Dalai Lama ka kërkuar falje pas publikimit të disa pamjeve në rrjet që tregojnë se ai pyet një djalë të vogël nëse donte ta puthte në gjuhë. Zyra e tij tha se ai i kërkonte ndjesë fëmijës dhe familjes së tij "për lëndimin që mund të kenë shkaktuar këto fjalët". Në të njëjtën video Dalai Lama shihet duke e puthur fëmijën në buzë. Në deklaratën e ndjesës thuhet se ai shpesh ngacmon njerëzit që i takon në një mënyrë të pafajshme dhe lozonjare, madje edhe në publik dhe para kamerave dhe se atij i vjen keq për incidentin. Pamjet kanë ngjallur kritika të shumta. Në vitin 2019, zyra e Dalai Lamës kërkoi sërish falje pasi udhëheqësi shpirtëror budist i tha BBC-së në një intervistë se çdo femër e ardhshme që mund ta zëvendësojë duhet të jetë "tërheqëse".