Gjykata e Fierit ka dënuar me 7 vite e gjysmë burg një shtetas i cili kryente vepra të turpshme para mbesës së tij të mitur. Shtetasi me iniciale S.H është shpallur fajtor dhe është dënuar përfundimisht me 5 vite burgim për shkak të uljes me 1/3 e dënimit. Pas hetimeve është provuar se ky shtetas ka kryer veprime të jashtëligjshme dhe të drejtpërdrejta kundrejt mbesës së tij të mitur 11 vjeç, të përsëritura në kohë të ndryshme. Sakaq ai ka kërcënuar vazhdimisht të miturën se nëse do të tregonte do ta vriste. Në argumentimin e kërkesës së prokurorisë së Fierit dërguar gjykatës thuhet se ky shtetas me ngacmimet dhe veprat e turpshme ka cënuar integritetin psiqik dhe emocional të të miturës, duke i shkaktuar pasoja psikosociale, duke nisur nga frika për të jetuar e vetme në banesën ku ajo jeton me prindërit si dhe pasiguri për të ardhmen.