Shumëkush u befasua shkurtin e kaluar, kur mësoi se ai që ishte shndërruar papritur në një lider lufte, presidenti i Ukrainës Volodimir Zelenski, ishte komedian dhe aktor para se të bëhej president. Por, janë të shumtë politikanët që kanë patur profesione interesante para se të bëheshin liderë. Worlds Statistics, në profilin e saj në rrjetin X, ka publikuar listën e liderëve botërorë dhe profesioneve që ata bënin dikur... Kështu, mësohet se zelenski nuk është i vetmi komedian në majat e politikës. Xhimi Morales, president i Guatemalës nga viti 2016 deri në 2020-ën, ka qenë po ashtu komedian. Ish-kryeministri bullgar, Boiko Borisov, mban rripin e zi në karate dhe ka punuar edhe si truprojë. Kryeministri kanadez Justin Trudeau, ka qenë punonjës sigurimi në një klub nate, presidenti i Gambias, Adam Barroë, po ashtu punonte si roje sigurie. Madje mos u habisni, por edhe papa Francesku ka qenë truprojë në një klub nate. Ndërsa tani mbahuni fort: Donald Trump, ish president i amerikës, ka mbledhur në rininë e hershme të tij shishe, barak obama ka shitur akullore dhe Joe Biden ishte punëtor mirëmbajtjeje. Presidenti rus Vladimir Putin, dihet se ka qenë spiun i KGB-së ndërsa ish presidenti rus Dmitri Medvedev ka punuar si pastrues rruge. Ai që sot udhëheq Turqinë me dorë të fortë, Recep Tayyip Erdogan, ka shitur limonata dhe petulla para studimeve të larta. E duke qëndruar në ballkan, ish presidenti kroat Ivo Josipovic, ka qenë kompozitor por mund të mburret edhe si avokat. Ish presidenti i sllovenisë, Borut Pahor, ka qenë një model. Kryeministri shqiptar edi Rama, njihet tashmë gjerësisht për talentin në pikturë. Edhe për ta përmbyllur, komuniteti i gazetarëve mund të krenohet po ashtu pasi ka nxjerrë dy liderë, ish kryeministrin britanik, Boris Johnson, dhe sekretarin e përgjithshëm të NATO-s, Jens Stoltenberg.