Presidenti i Rusisë, Vladimir Putin, urdhëroi një “operacion ushtarak” në Ukrainë, në orën 5:55 të mëngjesit të 24 shkurtit, 2022. Disa minuta më vonë pasuan granatimet e para. Presidenti i Ukrainës, Volodymyr Zelenskyi, shpalli gjendje lufte në vend. Shtetet e Bashkuara, Bashkimi Evropian dhe NATO-ja e dënuan sulmin dhe u zotuan se do ta mbajnë Rusinë përgjegjëse.Putin tha se Rusia po vepronte në vetëmbrojtje. Ai u bëri thirrje ushtarëve ukrainas të linin armët. Çdo ndërhyrje nga fuqitë e jashtme kundër Rusisë do të merrte një përgjigje “të menjëhershme”, tha ai. Rusia ka goditur infrastrukturën e Ukrainës me raketa, thotë Ukraina. Kievi gjithashtu thotë se ka rrëzuar aeroplanin rus – gjë që Moska e mohon. Karvane trupash dhe tankesh kanë hyrë në Ukrainë nga të gjitha drejtimet. Një autokolonë ka kaluar nga Bjellorusia në një pikë në veri të kryeqytetit Kiev. Një tjetër ka hyrë nga Krimea në jug, të cilën Rusia e aneksoi nga Ukraina në 2014. Raportohet se të paktën tetë persona janë vrarë dhe 18 persona rezultojnë të zhdukur. Zyra e presidentit tw ukrainws thotw se mw shumw se 40 trupa ukrainase janw vrarw nw bombardimet ruse, por kjo nuk whstw konfirmuar sipas bbc nw mwnyrw tw pavarur. Ka bllokime të gjata trafiku ndërsa banorët përpiqen të largohen nga kryeqyteti Kiev. Banorët e tjerë kanë kërkuar strehim në stacionet e metrosë. Korrespondentët e BBC-së thonë se megjithëse njerëzit prisnin një sulm, shkalla e pushtimit i ka zënë në befasi.