Festivali Ndërkombëtar i Vokalit Operistik, Marie Kraja ku këtë vit do të marrin pjesë 16 yje të rinj nga 4 kontinente, do të drejtohet nga nëndrejtori i Operas së Kievit, Anatoliy Solovianenko, i cili është larguar nga lufta në Ukrainë. Lajmi u bë me dije nga kryebashkiaku Erion Veliaj, i cili priti në një takim Solovianenko dhe bëri të ditur se ky i fundit do të drejtojë ediocionin e 18 të këtij festivali. “Besoj fort se tradita që ka filluar me “Marie Krajën”, dëshmon një pafundësi talentesh në një vend shumë të vogël. Ndoshta ne nuk do prodhojmë dot BMË e Mercedez, por të paktën në atë fushë ku jemi të talentuar, sidomos në art e kulturë, ne mund të kemi një krijimtari të lartë, por sidomos kur të rinjtë tanë ballafaqohen me të ngjashmit e tyre nga çdo cep i botës, e bën Tiranën një epiqendër të zhvillimeve ndërkombëtare”.