Këshilli i emërimeve në drejtësi ka marrë në shqyrtim kandidatët për vendet vakante për gjyqtar në Gjykatën Kushtetuese. Pas verifikimit të dokumentacionit u vendos që nga 3 emrat kandidatë, vetëm njëri prej tyre të kalojë më tej. Në lidhje me kandidimin për vendin vakant të Vitore Tushës dhe Fatmir Hoxhës, dy kandidatët kanë pasur mangësi të kushteve të kërkuara. Konkretisht Zhaklina Peto dhe Helena Para janë dy kandidatet të cilat janë skualifikuar. Më tej është lejuar kandidimi i Ervin Karamuços. Ai ka një eksperiencë të gjatë si funksionar i lartë shtetëror pranë Avokatit të Popullit, duke mbajtur funksione si Zv. Komisioner, Drejtor Kabineti dhe Drejtues i Mekanizmit Kombëtar të Parandalimit të Torturës.