Gjyqtari i mafias italiane, Pietro Grasso ka dhënë një intervistë ekskluzive në emisionin Zona Zero në Top News. Gjyqtari që shkatërroi “Cosa Nostra-n” dhe mbylli në qeli Toto Riinan thotë se mafia po bëhet gjithnjë e më e padukshme, ndërsa shumë nga bosët e krimit i janë futur edhe biznesit. “Mafia sot po zbaton një strategji tjetër. Atë të fshehjes. Nuk bëhen më akte të dukshme, vrasje të dukshme. Mafia bëhet e padukshme. Kjo bën që të ngadalësohen hetimet në këtë mënyrë. Mafia sot merret më shumë me biznes. Tenton të depërtojë në ekonominë e ligjshme”. Grasso tha se grupi që dominon në Itali për trafikun e kokainës, aktualisht është Ndraghetta. Gjithsesi, shtoi gjyqtari i famshëm, jo më larg qendron edhe Camorra apo Sacra Corona Unita. Strategjia e re e mafias, sipas gjyqtarit, ka sjellë një ekonomi të droguar, që po e dëmton fort ekonominë e ligjshme.