Klientelë e pasur, rrugë të mbingarkuara, peizazhe të mrekullueshme: pavarësisht mosmiratimit në rritje të publikut, Riviera Franceze në juglindje të vendit, mbetet një treg premtues për transportin me helikopter, i cili po përgatitet për revolucionin e avionëve elektrikë. Si çdo vit, fluturimet do të rriten gjatë festivalit të filmit në Kanë, megjithëse nuk do të arrijnë dot kulmet e regjistruara gjatë panairit ndërkombëtar të reklamave në fund të qershorit dhe afërsisht 200 fluturimeve në ditën e Çmimit të Madh të Formula 1 të Monakos, në fillim të qershorit. Dhe gjatë gjithë vitit, operatorët ofrojnë dhjetëra fluturime në ditë mes Nicës, Monakos, Kanës, por edhe Saint-Tropez në verë ose Courchevel, në Alpe, në dimër. Linja mes aeroportit të Nicës dhe heliportit të Monakos është më e rregullta, me një nisje çdo 30 minuta dhe një mesatare prej 13,000 fluturimesh në vit.