Drejtori i Përgjithshëm i Policisë së Shtetit, Skënder Hita zhvilloi këtë të mërkurë një takim me drejtuesit dhe strukturat e Drejtorisë Vendore të Policisë Korçë. Pjesë e rëndësishme e diskutimeve ka qenë siguria në shkolla, në prag të nisjes vitit të ri shkollor. Hitaj ka kërkuar angazhim të shtuar nga strukturat vendore të policisë për garantimin e rendit dhe sigurisë, si dhe intensifikimin e kontrolleve në perimetrin e shkollave. Një tjetër çështje e diskutuar ka qenë parandalimi i shpërndarjes së lëndëve narkotike në institucionet arsimore. Për këtë, Hita ka kërkuar rritjen e bashkëpunimit mes policisë, strukturave arsimore dhe institucioneve të tjera. Fokusi u vendos edhe te lufta ndaj krimeve ndërkufitare. Hita ka kërkuar hetime të plota dhe angazhim të shtuar për goditjen e rasteve të dhënies së ndihmës për kalim të paligjshëm të kufirit. Sa i takon sigurisë rrugore, porosia ka qenë për një përdorim më të gjerë të teknologjisë, me synim reduktimin e kontrolleve fizike. Në përfundim të takimit, Drejtori i Policisë së Shtetit ka kërkuar intensifikimin e luftës ndaj aktivitetit të grupeve kriminale.