Këngëtarja e njohur Dua Lipa ka zgjedhur Greqinë për të kaluar pushimet, teksa prej ditësh po shpërndan foto në Instagramin e saj me më shumë se 80 milionë ndjekës. Dua ka shijuar brigjet dhe fshatrat piktoreskë të Sifnosit, teksa siç bën thuajse gjithmonë në raste të tilla, ndaj thuajse çdo moment të sajin me fansat e shumtë që e ndjekin. Së fundi, Dua Lipa ka zgejdhur të vizitojë edhe Akropolin në Athinë, pikërisht në ditën e fundit të qëndrimit të saj në Greqi. Pak para se të largohej nga kryeqyteti grek, Dua Lipa ka shpërndarë foto të saj nga Shkëmbi i Shenjtë i Akropolit, ku ka pozuar e buzëqeshur me një veshje casual dhe syze dielli të zeza. Ajo nuk ka ngurruar të publikojë edhe disa foto me partnerin e saj, me të cilin zyrtarizoi lidhjen gjatë një daljeje të përbashkët në tapetin e kuq të Festivalit të Kanës . Këngëtarja në një foto mban dorën e të dashurit të saj teksa ecin nëpër rrugicat piktoreske të Sifnosit, ndërsa në një tjetër pozojnë para një shtëpie cikladike me muret karakteristike të bardha dhe derën blu.