Njësia policore me emrin OFL ka firmosur edhe katër formularë të tjerë që u janë dërguar personave, ndaj të cilëve janë ngritur dyshime të forta se pasuria e tij ka ardhur nga aktivitet kriminal. Për justifikimin e saj, të skeduarit duhet të plotësojnë formularin dh eta dorëzojnë brenda 48 orëve. E gjithë kjo në zbatim të aktit normative të datës 31 janar 2020, të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda. Operacioni “Forca e Ligjit” u ka nisur kërkesat me shkrim për vetëdeklarimin e burimeve të pasurisë, shtetasve Erogen Brajoviq, për të cilin Gjykata e Lartë e Podgoricës në Malin e Zi, ka caktuar masën e sigurimit personal “Arrest në burg”, për veprat penale “Krijim i organizatës kriminale”, “Vrasja e mbetur në tentativë” dhe “Mbatja pa leje e armëve dhe eksplozivëve”, parashikuar nga Kodi Penal i Malit të Zi; Denis Brajoviq, banues në Shkodër, nën hetim për veprat penale “Shtrëngim me anë të kanosjes për dhënien e pasurisë, e kryer në bashkëpunim, në kuadër të grupit të strukturuar kriminal” dhe “Kryerja e veprave penale nga organizata kriminale apo grupi i strukturuar kriminal”;