Met Gala vazhdon të mbetet një prej ngjarjeve më të mëdha të modës në botë e cila ndiqet me shumë interes nga miliona njerëz në mbarë globin. Edhe si vjet yje të shumtë u panë të pranishëm në Muzeun Metropolitan të Arteve në Neë York për eventin Met Gala 2023, tema e të cilit këtë vit ishte “Karl Lagerfeld: A Line of Beauty”. Tematika ishte një dedikim për stilistin e njohur gjerman i cili gjithë jetën ia dedikoi modës dhe në veçanti markës “Chanel”. Ai u nda nga jeta në vitin 2019 në moshën 85-vjeçare. E duke qenë se tema e Met Gala 2023 ishte një dedikim për Karl-in, pjesa dërrmuese e të ftuarve VIP zgjodhën pamjet bardh e zi. Pjesë e eventit kanë qenë edhe dy këngëtaret shqiptare me famë botërore, Rita Ora dhe Dua Lipa. Shije të mirë në tapetin e kuq lanë edhe yjet tjerë me famë ndërkombëtare si këngëtarja Rihanna, motrat Kardashian-Jenner apo edhe modelja Paris Hilton – e cila për herë të parë në jetën e saj mori pjesë në një Met Gala.