Ukraina mund të ndjekë shembullin e Vladimir Putinit dhe të nxjerrë të dënuarit nga burgu për ti dërguar në fushëbetejë, në përpjekje për të zbrapsur trupat ruse. Komandantët ushtarakë të Kievit po e mbështesin planin për të liruar të dënuarit në këmbim të shërbimit ushtarak pasi lufta shkatërrimtare po hyn në dimrin e dytë të saj. Në shtabin qëndror të ushtrisë ukrainase, po flitet gjithnjë e më shumë për këtë ide, por ekziston edhe frika se si do të zbatohet një plan i tillë. Ushtria ukrainase po kërkon tani mobilizimin e thuajse gjysmë milioni ushtarëve të tjerë për të luftuar rusinë. Vladimir Putin, liroi dhjetëra e mijëra kriminelë nga më të rrezikshmit, mes tyre vrasës, përdhunues dhe pedofilë, që të luftonin për të në Ukraiunë. Mijëra prej këtyre të burgosurve, të patrajnuar dhe të pa armatosur, u cuan drejt vdekjes së sigurt në luftë ose përballeshin me pushkatim nëse refuzonin të luftonin. Shumë nga të dënuarit rus u rekrutuan në kompaninë e mercenarëve Vagner, por të tjerë u bënë edhe pjesë e ushtrisë së rregullt. Ata që mundën ti mbijetonin gjashtë muajve në luftë, përfituan faljen e dënimit të mbetur. Ndërkohë, dhjetëra prej këtyre kriminelëve të falur nga Putini, vazhduan të kryenin krime të reja, të frikshme, përfshirë vrasje dhe përdhunime, pasi u rikthyen në liri.