Afër 10.000 punëtorë migrantë, me pasaporta ruse, janë dërguar në luftën e Kremlinit në Ukrainë, ka deklaruar shefi I Komitetit Hetues të Rusisë, Akeksandr Bastrykin. Ai e cilësoi këtë lëvizje si të mirë pasi ndodhi në momenin kur migrantët po largoheshin ngadalë nga Rusia. Sipas zyrtarit, Komiteti Hetues rus ka kapur më shumë se 30.000 migrantë, që kanë marrë shtetësi ruse, por që kishin dështuar të regjistroheshin në zyrat e ushtrisë, një obligim ky për burrat në Rusi. Qytetarët aziatikë që jetojnë në Rusi, janë paralajmëruar nga qeveritë e Azisë Qendrore me akuza për mercenarizëm në shtetet e tyre të origjinës nëse i bashkohen luftës në Ukrainë për të luftuar për cilëndo palë. Presidenti rus Putin që prej nisjes së pushtimit është shprehur ka thënë se në frontet e luftës në Ukrainë aktualisht janë 700.000 trupa ruse. Disa prej tyre u rekrutuan gjatë mobilizimit të pjesshëm në vjeshtën e vitit 2022.