Ajo e pagesës të një ylli pornoje, Stormy Daniels, është vetëm një nga hetimet e shumta të nisura kundrejt Donald Trump. Mes hetimeve janë në fakt edhe ata në Xhorxhia, për ndikim në zgjedhje, apo ai federal për dokumentet sekrete të gjetura në Mar a Lago dhe sulmin mbi Capitol Hill, në 6 janar 2021. Zyra e prokurorit të Nju Jorkut, heton prej kohësh mbi fondet e supozuara të paligjshme me të cilat është paguar Stormy Daniels, gjatë fushatës elektorale të Trump në presidencialet e 2016-ës, në këmbim të heshtjes së saj për marrëdhënien e tyre. Ai që ka akuzuar ish presidentin se ka qenë në dijeni për pagesën, ka qenë ish avokati i tij Michael Cohen, që ka pranuar se e ka bërë pagesën në emër të manjatit dhe se më pas është rimbursuar nën zërin e rremë në bilanc, ‘shpenzime ligjore’. Autoriteti i Nju Jorkut e akuzon Trump edhe se ka gënjyer bankat dhe kompanitë e sigurimeve duke fryrë vlerën e aseteve të tij dhe kërkojnë që të ndalojnë ish presidentin dhe tre fëmijët e tij të udhëheqin cdo lloj kompanie në këtë shtet.