Në kuadër të 30 vjetorit të marrëdhënieve diplomatike Shqipëri-SHBA, ambasada amerikane në Tiranë ka publikuar një video të ish-ambasadorit Donald Lu, i cili ka mbetur në kujtesën e shqiptarëve, si diplomati që përmendi aq shumë arrestimin e “peshqve të mëdhenj”. “Gjatë këtyre viteve kaluam shumë kohë duke punuar me reformën në drejtësi, luftën kundër korrupsionit dhe gjuetinë për peshqit e mëdhenj”, shprehet ambasadori Lu në postimin e tij në video. Në tej në videon e publikuar në faqen zyrtare të ambasadës, theksohet Lu ka zgjedhur një moment prekës për të kujtuar vitet e tij të punës në Shqipër, teksa ka publikuar një foto duke u përqafuar me një të moshuar, pasi ky i fundit kishte treguar historinë e emigrimit të familjarëve të tij në SHBA. “Kur pyetet për kohën e tij në Shqipëri, ish Ambasadori Donald Lu, thotë se ka gjetur një foto nga koha e tij në Shqipëri, e cila i kujtoi se çfarë ishte vërtet e rëndësishme. Shihni mesazhin e tij për të mësuar historinë prekëse dhe se çfarë ishte vërtet e rëndësishme midis shqiptarëve dhe amerikanëve. Ne po festojmë 30 vjetorin e rivendosjes së marrëdhënieve diplomatike midis Shteteve të Bashkuara dhe Shqipërisë me këto mesazhe të dërguara nga ish-Ambasadorët e Shteteve të Bashkuara për popullin shqiptar. Donald Lu i paraqiti letrat kredenciale qeverisë së Shqipërisë në 13 janar 2015 dhe ishte Ambasadori i nëntë i SHBA në Shqipëri”- shkruan ambasada amerikane ne Shqiperi.