Koha e udhëtimit me tren mes qyteteve kryesore evropiane do të zvogëlohet në mënyrë drastike deri në vitin 2040, sipas një plani të komisionit evropian. Plani i paraqitur në bruksel, për trenat e shpejtësisë së lartë, parashikon lidhjen e qendrave kryesore evropiane me trena me shpejtësi prej 200 kilometrash në orë ose edhe më shumë. Qëllimi është gjithashtu që udhëtimi me tren të jetë një alternativë edhe më tërheqëse ndaj fluturimeve me distanca të shkurtra. Kështu, në të ardhmen, udhëtarët do të jenë në gjendje të udhëtojnë, për shembull, nga Berlini në Kopenhagen në katër orë në vend të shtatë orëve, ose nga Mynihu në Romë në gjashtë orë në vend të nëntë orëve e gjysmë. Një udhëtim nga Berlini në Vjenë nëpërmjet Pragës mund të zgjasë vetëm katër orë e gjysmë në vend të më shumë se tetë orëve. “Përmirësimi i kohëzgjatjes së udhëtimit mes kryeqyteteve evropiane është rezultat i prekshëm dhe pragmatik i angazhimit tonë për ta bërë Evropën më të bashkuar dhe efikase”, tha zëvendëspresidenti i Komisionit Raffaele Fitto.