Zbardhen diskutimet e zhvilluara javën e kaluar në Gjykatën Administrative, ku u shqyrtua kërkesëpadia e kryetarit të Bashkisë së Tiranës, Erion Veliaj, për shpalljen e pavlefshmërisë së emërimit të prokurorit Ols Dado në 2008. Në transkriptin e seancës, kryebashkiaku Veliaj dhe avokati i tij mbrojtës, Plarent Ndreca, argumentojnë se Dado është emëruar në kundërshtim me kriteret ligjore, pas pasur Shkollën e Magjistraturës. “Nesti Angoni kallëzon në korrik 2023, sapo ka mbaruar numërimi në KQZ dhe çështja regjistrohet pas 7 muajsh, kur afati është 15-ditor. Dhe thashë: ka diçka që nuk shkon këtu. Nuk mund t’i duhen 7 muaj për të siguruar diçka që ligji e parashikon për 15 ditë. Nuk është vetëm procedimi im. Ka shumë gjëra në këtë proces që më bënë të mendoj se kjo është dora e një njeriu jo profesionist. Ky është një person që ka marrë një porosi për të bërë këtë. Por kjo nuk përfaqëson SPAK-un, nuk përfaqëson reformën në drejtësi. Ka njerëz që bëjnë një punë të shkëlqyer dhe që ndoten nga dikush që në mënyrë të përsëritur shkel këto elemente”, ka thënë Veliaj në seancë.