Një 68 vjeçare po endet prej 15 vitesh nëpër dyert e gjykatave dhe hipotekës për të regjistruar 637 m² truall në afërsi të banesës. Rexhina Hila ka 8 vendime gjykate, disa të formës së prerë dhe sërish Hipoteka nuk ia njeh këto vendime. Gjykata e Apelit Administrativ ka urdhëruar Kadastrën e Shkodrës t'ia regjistrojë, por këta të fundit nuk ia regjistrojnë, pasi pretendojnë se ka mbivendosje me disa banorë që ende nuk u është regjistruar dhe s'kanë marrë certifikata për pronat! Për rastin në fjalë 68 vjecarja Rexhina Hila iu drejtua emsionit "Fiks Fare" duke pohuar se ka filluar gjyqet që në vitin 2006, ku kërkonte t'i regjistrohej një pronë prej 1200 metra katrorësh. Edhe pse në të tre shkallët e gjyqësorit iu dha e drejta Rexhina Hilës, gjykata e Shkodrës e dërgoi për shqyrtim në apelin administartiv Në përfundim Gjykata e Apelit Administativ vendosi të lërë në fuqi vendimin e Shkallës së Parë, pra regjistrimin e 637 m2. Por, nga viti 2019, e deri në vitin 2021, Kadastra e Shkodrës ia ka refuzuar.