Avioni i ri ultra i gjatë i Qantas është ulur në tokën australiane për herë të parë të premten pas një fluturimi provë 19-orësh, direkt nga Franca. Airbus A350-1000ULR, i projektuar për Qantas për të kryer disa nga fluturimet më të gjata komerciale në botë, u nis për një udhëtim pa ndalesa nga fabrika e prodhimit të Airbus në Toulouse, të Francës të enjten, me destinacion Melburnin. Avionët janë projektuar për të fluturuar deri në 22 orë pa ndalesa për itinerarin direkt të kompanisë nga Sidnei në Londër, që pritet të fillojë në tetor 2027. Fluturimi provë ka tërhequr vëmendjen e entuziastëve të transportit, me më shumë se 67,000 njerëz që ndoqën rrugën e tij prej gati 17,000 km në flightradar24.com të premten në mëngjes, fluturimi më i shikuar globalisht ky. Faqja e internetit e trafikut ajror tregon se fluturimi u nis nga Tuluza në orën 7:33 të mëngjesit të enjten dhe u ul në Melburn pak më shumë se 19 orë më vonë, në orën 10:46 të mëngjesit, sipas orës lokale. Në një deklaratë, Qantas tha se katër pilotë testues të fluturimit të Airbus dhe pesë inxhinierë testimi ishin në bord. Ata dhe avioni do të qëndrojnë në Melburn gjatë fundjavës dhe më pas do të kthehen në Tuluzë të hënën, me dy pilotë të Qantas që do t'u bashkohen në bord. Avioni ka një rezervuar shtesë karburanti me kapacitet 20 mijë litra cka e lejon të fluturojë në trajektore të gjata deri në 18.500 km. Qantas në qershor tha se po blinte 12 avionë, me 238 vende në vend të 300-vendeve që ka modeli tjetër A350-1000. Planet e Projektit Sunrise të Qantas për shërbime pa ndalesa mes Sidneit dhe Londrës janë shtyrë disa herë në vitet e kaluara.