Ajo u ndërtua si një memorial i cuditshëm kushtuar diktatorit paranoiak, komunist të shqipërisë që izoloi vendin nga pjesa tjetër e botës. Tani, piramida e shëmtuar në zemër të Tiranës, shpreson të bëhet një fener i transformimit të vendit. Kështu, e nis agjencia franceze e lajmeve AFP reportazhin e saj dedikuar ndërtesës ikonike në qendër të kryeqytetit shqiptar. Konstuksioni gjigant, i denjë për një faraon, u projektua si një muze në nder të diktatorit, pak vite pas vdekjes, në 1985-ën. Brenda piramidës gri ishte vendosur një statujë e madhe e “mësuesit të madh’ që sundoi vendin e izoluar për katër dekada. Tani, ajo po shndërrohet në një qendër që do të presë sektorin e teknologjisë që është në embrionet e tij në vend. Martin Mata, bashkëpresident i AADF, fondacionit shqiptaro amerikan të zhvillimit, që po ndihmon me projektin, thotë: Projekti 15 milionë eurosh është bashkëfinancuar nga AADF dhe autoritetet shqiptare dhe do të mbajë një qendër edukimi për trajnimin e të rinjve në fushën digjitale, në një program pas shkollor që synon të tërheqë 4 mijë studentë në javë. Ndërtesa është ri-imagjinuar nga arkitektë shqiptarë dhe holandezë, një ndër të cilët Gent Agolli.