Suedia vazhdon hetimet për shpërthimet në gazsjellësit Nord Stream 1 dhe Nord Stream 2, të cilat sjellin gaz nga Rusia në Evropë, duke ngritur dyshimet për një “sabotim të madh” që përfshin shpërthime. Autoritetet suedeze dhe daneze kanë hetuar katër rrjedhje nga gazsjellësit në Suedi dhe Danimarkë në Detin Baltik, qëkur ato u zbuluan javën e kaluar. Evropa, e cila po përballet me krizë energjetike pas pushtimit rus të Ukrainës, po heton se çfarë shkaktoi rrjedhjet, teksa Moska po tenton që t’ia lë fajin Perëndimit, duke sugjeruar se Shtetet e Bashkuara përfitojnë nga kjo situatë.