Shqipëria dhe Greqia kanë vendosur që të rrisin partneritetin e tyre strategjik në fushën e Mbrojtes dhe sigurisë. Palët ranë dakord gjatë vizitës që ministri grek i mbrojtjes, Niko Dendias zhvilloi në Tiranë ku u takua me kryeministrin Rama dhe ministrin Erman Nufi. “Shumë i kënaqur për bisedën e frytshme për forcimin e bashkëpunimit dypalësh mes dy vendeve tona, si dhe vijimin e dialogut të ngushtë në fushën e mbrojtjes dhe sigurisë.”, shkroi ministri Nufi në rrjetet sociale pas takimit por pa dhënë shumë shpjegime. Ndërkohë ministri grek, tha se një pikë e dakordësuar ishte ajo e varrezave ushtarake. “Gjatë takimit me homologun tim shqiptar, Ermal Nufi, ramë dakord për thirrjen e menjëhershme të Komisionit të Përbashkët të Ekspertëve për Varrezat Ushtarake”, shkroi në X Dendias, ndërsa vendosi theksin dhe tek ruajtja e të drejtave të minoritetit grek. Detaje më të pakta zbuloi ministri grek lidhur me temën që foli me kryeministrin Rama, ku tha se në fokus ishte situata gjeopolitike në rajon. Ndërkohë mësohet se ministri nuk foli asnjë fjalë lidhur me marrëveshjen për demilitimit të ujërave detare mes Greqisë dhe Shqipërisë.