Shumë liderë botërorë do të marrin pjesë në funeralin e Papa Françeskut, duke filluar nga Donald Trump e Emmanuel Macron, e deri te presidenti ukrainas Volodymyr Zelensky. Presidenti amerikan, i cili u përplas vazhdimisht me Papën për emigracionin, tha se ai dhe bashkëshortja e tij do të fluturonin për në Romë për funeralin. Ndërkohë, ndër krerët e tjerë të shtetit që do të merrnin pjesë në ceremoni është edhe Javier Milei, presidenti i Argjentinës, vendlindjes së Papa Françeskut. Tajvani do të jetë gjithashtu i pranishëm në funeralin e Papës me "të dërguar specialë të nivelit të lartë". Presidenti brazilian Luiz Inácio Lula da Silva, i shoqëruar nga bashkëshortja e tij Janja, do të udhëtojnë po ashtu për në Romë për të marrë pjesë në ritual. Shumë qeveri të tjera të botës do të dërgojnë delegacione zyrtare në funeralin e papa franceskut në vatikan, përfshirë këtu shqipërinë e kosovën. Nderimet për Papa Franceskun vazhdojnë të vijnë ndërkohë nga e gjithë bota. Presidenti amerikan donald trump urdhëroi që flamujt federalë dhe shtetërorë të ulen në gjysmështizë për nder të papës.