Eduart Merkaj ka dhënë dorëheqjen nga posti i Agjencisë së Mbikëqyrjes Policore, ndërsa qeveria ka zgjedhur edhe pasuesin e tij në këtë detyrë. Ish drejtori i Përgjithshëm i Burgjeve, Klevis Qose është emëruar në krye të AMP. Ai e merr ketë post disa muaj pasi agjencia u përfshi në kritika në lidhje me punësimin e Muçi Shaljanit, që mbeti i vrarë në atentatin e 11 nëntorit 2025 te rrethrrotullimi i Rinasit së bashku me Gilmando Danin. Në datën 1 prill, Qose u lirua nga detyra e drejtorit të përgjithshëm të Burgjeve me vendim të Këshillit të Ministrave, me propozim të ministrit të Drejtësisë. Klevis Qose u emërua Drejtor i Përgjithshëm i Burgjeve në mars 2024, duke zëvendësuar Admir Abrijan që dha dorëheqjen. Më parë Qose ka mbajtur postin e drejtorit të Shërbimit të Provës dhe të Kontrollit të Brendshëm të Burgjeve po në burgje.